iPhone 13 Pro Geekbench'да ўз кучини кўрсатди

iPhone 13 Pro Geekbench'да ўз кучини кўрсатди

Apple икки кун олдин тўртта янги — iPhone 13, 13 mini, 13 Pro ва 13 Pro Max смартфонларини тақдим этганидан хабарингиз бор. Қурилмаларнинг барчаси A15 чипида ишлайди, лекин смартфонларнинг график процессори (GPU) ўртасида фарқ бор.

ЎҚИНГ: Apple Watch 7 тақдим этилди: катта дисплей ҳамда қирилишларга бардошли корпус

iPhone 13 ва 13 mini тўрт ядроли GPU билан жиҳозланган бўлса, iPhone 13 Pro ва Pro Max ҳамда iPad mini беш ядроли GPU'га эга.

iPhone 13 Pro'нинг мазкур беш ядроли график процессори смартфон прототипига эга номаълум шахс томонидан Metal API'дан фойдаланган ҳолда тўлиқ Geekbench синовидан ўтказилди. Қурилма синовда 14216 баллик натижа қайд этди, бу эса iPhone 12 Pro'нинг 9123 баллидан 55% юқори кўрсаткичдир. Натижалар янги iPhone 13 Pro ва 13 Pro Max'ларнинг GPU'си ўтган авлод iPhone'ларнинг мос моделларидагидан анча унумдорликка эришганини кўрсатади.

Apple беш ядроли GPU'га эга А15 чипини «дунёдаги энг тезкор смартфон чипи» деб атаб, SoC'нинг «исталган бошқа смартфон чипидан 50% тезкорроқ графикага эга» бўлишига ваъда берди. Ҳар ҳолда, ўтган йилги тўрт ядроли GPU'га эга A14 Bionic чипи билан таққослаганда, бу таъкид ўзини оқламоқда. iPhone 13 Pro 6ГБ тезкор хотирага эга.

Тўрт ядроли GPU билан жиҳозланган A15 қандай натижа қайд этиши ҳозирча номаълум, боиси ҳеч ким ҳали iPhone 13 ёки 13 mini'ни синовдан ўтказиб кўрмади. CPU натижалари ҳам ҳозирча номаълум, лекин барча маълумотлар тез орада аён бўлади.

ЎҚИНГ: Samsung'дан туб бурилиш: компания ўзининг беш йиллик анъанасини бузмоқчи

Terabayt.uz сайтининг видеолари: Youtube'даги каналимизда!