iPhone 13 Pro ва iPhone 13 Pro Max'ларга 120Hz AMOLED экрани ўрнатилади

Анчадан буён бу йил чиқадиган iPhone'лар 120Hz янгиланиш частотасига эга бўлиши ҳақида гаплар юрганди. Кореядан берилган хабар мана бу миш-мишларни тасдиқлади.

Фақатгина iPhone 13 Pro ва iPhone 13 Pro Max моделлари LTPO AMOLED панель билан жиҳозланиши ва бу панелларни фақатгина Samsung Display етказиб бериши айтилмоқда. Бу ҳали ҳаммаси эмас. Samsung'нинг Электромеханика бўлими iPhone'ларни қаттиқ мослашувчан босилган электрон платалар (RFPCB) билан ҳам таъминлаб беради.

Платалар OLED панелларни она палатага улаб беради. RFPCB'лар қаттиқ бўлса-да, уларни буклаш мумкин. Бу эса электр сигналларини тезроқ ўтказишга хизмат қилади. RFPCB'лар анъанавий FPCB'лардан кўра қимматроқ.

Samsung Display бу йил iPhone'ларга 110 миллион дона панель етказиб беради. LG Display эса 50 млн, BOE бўлса 9 млн панель етказиб бериши кўзда тутилган.

ЎҚИНГ: iPhone 13 экрани кемтигини «жонли» суратларда iPhone 12’ники билан солиштириб кўрамиз