iPhone 13 туркумидаги барча тўртта смартфоннинг аккумулятор ток сиғими маълум бўлди
Apple’нинг ўн учинчи авлод смартфонлари ҳақида кўплаб маълумотлар тарқалган. Хитойлик ишончли инсайдерлардан бири – Digital Chat Station эса уларнинг батареялари ток сиғими ўтган йилги айфонларникидан каттароқ бўлишини айтмоқда.
ЎҚИНГ: iPhone 13 туркумидаги тўртта смартфон: айрим хусусият ва суратлари
Унга кўра, бу йил кузда тақдим этиладиган айфонларнинг аккумуляторлари қуйидагича сиғимдорликка эга ва ҳар бирида бу кўрсаткич олдинги авлод вакилидан маълум фоизга юқори:
- iPhone 13 Pro Max – 4352 мА/соатлик (iPhone 12 Pro Max моделиникидан 18% га катта);
- iPhone 13 ҳамда iPhone 13 Pro – 3095 мА/соатлик (iPhone 12 ҳамда iPhone 12 Pro моделлариникидан 9,9% га катта);
- iPhone 13 mini – 2406 мА/соатлик (iPhone 12 mini моделиникидан 8% га катта).
Шу тариқа, 2021 йили чиқадиган ўн учинчи авлод айфонларнинг барчасида аккумулятор сиғими ўз «аждод»идагидан юқори, лекин Pro Max версиясида бу фарқ яққол катта.