iPhone 14 Pro модели DxOMark тестидан ўтди

iPhone 14 Pro модели DxOMark тестидан ўтди

Apple'нинг янги iPhone 14 Pro смартфони DxOMark тестидан ўтди ҳамда ажойиб натижани қайт этди. Умумий камера тестида қурилма 146 баллни қўлга киритди. Бу Honor Magic4 Ultimate моделидан кейинги иккинчи енг яхши натижа ҳисобланади. 

Селфи камера бўйича қурилма 145 балл тўплай олди. DxOMark эса буни энг яхши натижалардан бири деб эълон қилди. Шунингдек, видео сифати бўйича у тенгсиз деб топилди. 

Тестнинг “Оила ва дўстлар“ деб номланган янги босқичида iPhone 14 Pro юқори натижани қайд этди. Бунинг сабаби сифатида камеранинг тери рангини аниқ чиқариб бериши, тезкор такрор суратга олиш қобилияти, ҳаракат давомида хиралашишни камайтира олиши ҳамда юзларнинг контрастли тасвирларини олиш имконятига эга эканлигини кўрсатиш мумкин.

Тестда, бундан ташқари, смартфон портрет режимда табиий бокеҳ суратларни олишга ҳам алоҳида урғу берилган. 

Видео ёзиш бўйича қурилма биринчи ўринни эгаллади. Кадрларнинг ўтиш силлиқлиги, такрорланувчанлиги ва равонлиги яхшиланган. Стабилизация ҳам ажойиб даражада, HDR юқори контрастни тақдим этади, автофокус эса ишончли ҳамда аниқ ишлади. Смартфондаги Quad-Bayer тасвир сенсори суратларни сифатини оширишга хизмат қилади. 

Бироқ камчиликлар ҳам йўқ эмас. Ичкарида олинган суратларда бироз шовқин бор, шунингдек, аниқлик ўта даражада юқори эмас. 3х зумда олинган суратларда ҳам аниқлик бироз йўқолмоқда. 

DxOMark селфи камерада олинган суратларни юқори баҳолади. Қурилма 145 балл тўплаб, биринчи ўдиндаги Huawei P50 Pro'дан атиги бир балл ортда қолди. iPhone 14 Pro'нинг селфи камераси бундай юқори натижага эришганини автофокус имконяти ҳамда тезкор диафрагмани сабаб қилиб кўрсатиш мумкин. 

Селфи видеолар бўйича смартфон 154 баллни қўлга киритди. Экспозиция, ранглар аниқлиги ҳамда стабилизация ажойиб даражада. Шундай бўлса-да, селфи камерада олинган суратларда бироз шовқин борлиги билинади. 

ЎҚИНГ: Redmi Note 11 сериясига яна бир янги смартфон қўшилди 

Terabayt.uz сайтининг видеолари: Youtube'даги каналимизда!