iPhone 14 Pro тилларанг рендерлари тарқатилди (видео)

iPhone 14 Pro тилларанг рендерлари тарқатилди (видео)

Apple илк маротаба iPhone Х смартфонини ноодатий "қош" дизайни билан тақдим қилган эди. Узоқ йиллик кутишлардан сўнг бу дизайн iPhone 14 смартфонларида ўзгариши, унинг ўрнини таблетка ва юмалоқ шаклдаги тирқишлар эгаллаши кундан-кунга аниқ бўлиб бормоқда. Кеча таниқли ликстер xleaks7 томонидан iPhone 14 Pro моделининг тилларангдаги тиниқ рендерлари Pigtou томонидан тарқатилди.

Ушбу рендерлар ҳам янги авлод iPhone Pro моделида таблетка ва юмалоқ тирқиш бўлишини тасдиқлайди ва аввал ҳам айтилганидек узунчоқ тирқиш Face ID сенсорлари учун, юмалоқ тешик эса камера учун бўлади. Ушбу янгиликдан ташқари бошқа ҳеч нарса ўзгармаган, ўша-ўша учлик орқа камералар, олд томонида ингичка симметрик рамка, ўнг томонида смартфонни ёқиш тугмаси, чап томонида овоз баландлиги тугмалари ва уни ўчириш тугмаси, шунингдек, сим карта уяси, таг қисмида эса lightning порти ва карнай тешиклари жойлашган.

Apple iPhone 14 ProМиш-мишларга кўра, Apple бу йили iPhone Mini моделидан ташқари тўртта: iPhone 14 (6.1 дюйм), iPhone 14 Мах (6.7), iPhone 14 Pro (6.1) ва iPhone 14 Pro Мах (6.7) моделларини катта эҳтимол билан сентябрда тақдим қилади.

ЎҚИНГ: iPhone 14 Pro CAD рендерлари тарқатилди