iPhone 14 қатори кутилганидан эртароқ тақдим қилиниши мумкин

iPhone 14 қатори кутилганидан эртароқ тақдим қилиниши мумкин

Apple'нинг йил бошидан бери миш-миш қилиб келинаётган iPhone 14 смартфонлари қатори яқин уч ҳафта ичида тақдим қилиниши мумкин. Bloomberg'дан Марк Гурманнинг хабар қилишича, купертинолик компания 7 сентабр, чоршанба куни ўзининг янги маҳсулотларини тақдим қилиш учун катта тадбир ўтказишни режалаштирмоқда. Маълум бўлишича, бу сафарги тақдимот ҳам аввалгилари сингари онлайн бўлиб ўтади.

Шубҳасиз, тақдимотдан энг орзиқиб кутилаётгани iPhone 14 смартфонлари серияси бўлиб, Apple бу йили тўрт хил: iPhone 14, iPhone 14 Pro, iPhone 14 Мах ва iPhone 14 Pro Мах моделларини тақдим қилиши мумкин. Янги авлод айфонларининг Pro моделлари узоқ кутилган ўзгариш, смартфон олд томонидаги қайта дизайнланган селфи камера ва Face ID сенсорлари тирқишига эга бўлиши уларнинг аллақачон тарқатиб юборилган суратларидан маълум бўлган эди. Таъкидланишича, моделлар яхшиланган камера, дисплей ва янада тезкор чип билан 16 сентабрдан сотувга чиқарилади.

Шунингдек, тақдимотда Apple янги сериядаги Watch ақлли соатлари, жумладан, юқори сифатли, мустаҳкам ҳимояга эга модел ва янгиланган SE модели, шу билан бирга, янги iPad ва AirPods Pro қурилмаларини ҳам тақдим қилиши кутилмоқда.

ЎҚИНГ: Adidas қуёшдан қувват оладиган янги қулқочинларни тақдим қилди