iPhone 14 қатори кутилганидан кечроқ чиқарилиши мумкин
Apple компанияси ўзининг янги авлод iPhone смартфонлари чиқарилишини кечиктириши мумкин. Маълум бўлишича, бунга Хитой ва Тайван давлатлари ўртасидаги сиёсий зиддият сабаб бўлмоқда. Агар "буни нима алоқаси бор?" деб ўйлаётган бўлсангиз ўқишда давом этинг.
Apple смартфонлари учун чипсетлар Тайваннинг TSMC компаниясида ишлаб чиқарилади ва улар Хитойга, iPhone йиғиладиган энг катта заводларнинг бирига етказиб берилади. Сўнгги хабаларга кўра, компания ўзининг тайванлик ишлаб чиқарувчиларига янги маҳсулотларни "Тайванда ишлаб чиқарилган" деб ёрлиқлаш ўрнига, "Тайван, Хитойда ишлаб чиқарилган" ёхуд "Тайван, Хитой" ёрлиқлари билан белгилашлари кераклигини эслатган. Гарчи Хитойнинг бу сиёсати кўп йиллардан бери олиб борилаётган бўлса ҳам, у ўтган ҳафта АҚШ Конгресси Вакиллар палатаси спикери Ненси Пелосининг Тайванга ташрифидан сўнг, АҚШ ва Хитой ўртасидаги зиддият кучайганидан кейин мажбурий тарзда амалга оширила бошланди. Шундай қилиб, эндиликда хитойликлар "Тайванда ишлаб чиқарилган" деб ёзилган юкларни кечиктиришлари ва ҳатто, рад этишлари мумкин.
Шу сабаб, купертинолик компаниянинг сентябрда чиқарилиши кутилаётган янги iPhone 14 смартфонлари қатори кутилганидан кечроқ чиқарилиши мумкин.
