iPhone 14 сериясидаги смартфонлар қанчалик яхши ишлайди?

iPhone 14 сериясидаги смартфонлар қанчалик яхши ишлайди?

Кеча биз AnTuTu'га кўра сентябрнинг энг кучли Android флагман ва ўрта флагманлари рўйхати билан танишган эдик. Бугун эса энг кучли Apple смартфон ва планшетлари топ ўнталик рўйхатини кўриб чиқамиз.

Apple сентябр бошида ўзининг iPhone 14 сериясини тақдим қилди. Табиийки, янги смартфонлар ўзининг аввалгиларидан яхши ишлайди. Бироқ, iPhone 14 Pro смартфонлари топ учликни планшетларга бой беришган: iPad Pro 5'нинг икки модели Apple'нинг М1 чиплари билан биринчи ва иккинчи ўринларни банд қилган бўлса, iPad Air 5 худди шундай чип билан учинчи ўринни эгаллаган.

iPhone 14 Pro Apple'нинг янги авлод Bionic чипи, А16 билан тўртинчи ўринни эгаллашга муваффақ бўлган. Қизиғи шундаки, ундан каттароқ, шу билан бирга, қимматроқ бўлган iPhone 14 Pro Мах эса худди шу А16 чипи билан бешинчи ўринга тушиб қолган. AnTuTu экспертларига кўра, бунга смартфоннинг катта экрани сабаб бўлган. Гарчи смартфонлар деярли бир хил техник хусусиятларга эга бўлганда ҳам, iPhone 14 Pro Мах каттароқ дисплейга эга.

Олтинчи ўриндаги 12.9 дюймли iPad Pro 3'дан кейин, еттинчи ва саккизинчи ўринлар кетма-кет ўтган йилги iPhone 13 Pro Мах ва iPhone 13 Pro смартфонларига тегишли. Тўққизинчи ўринни iPad Pro 4 планшети А12З Bionic билан эгаллаган бўлса, худди шундай чипли iPhone 14 топ ўнликни якунлаб беради.

ЎҚИНГ: iPhone 6'нинг даври ўтди