iPhone 14 смартфонларининг схематик фон суратлари чиқарилди

iPhone 14 смартфонларининг схематик фон суратлари чиқарилди

Basic Apple Guy тахаллусли моҳир дизайнер iPhone 14, iPhone 14 Plus, iPhone 14 Pro ва iPhone 14 Pro Мах смартфонларининг ички қисмларини ўта майда деталларигача кўрсатиб турадиган схематик фон суратларини яратди.

Дизайнернинг айтишича, ушбу расмлар бир неча ой давомида ёхуд 21 сентабрдан кейин iFixit смартфонларнинг парчаланган қисмлари суратларини чиқарганидан сўнг, уларга асосланган ҳолда тайёрланган. Таъкидлаш жоизки, iPhone 14 Plus модели учун ишлаб чиқилган махсус дизайн 482 қисмлардан ташкил топган бўлса, iPhone 14 Pro модели 2367 бўлаклардан яратилган.

Суратлар фақат оқ-қора эмас. Таъбингизга кўра, iPhone 14 ва iPhone 14 Plus учун фон суратларини мовий, бинафша, тўқ-кўк, "юлдуз нури" ва қизил рангларда, iPhone 14 Pro ва Pro Max моделлари учун эса космик қора, бинафша, кумуш, олтин ва тўқ-кўк рангларда мана бу ердан юклаб олишингиз мумкин.

ЎҚИНГ: iPhone 15 янгича дизайн билан мана шундай кўринишда бўлади