iPhone 15 Pro экран ости сенсорлари билан - ростдан?

iPhone 15 Pro экран ости сенсорлари билан - ростдан?

Шу йилнинг куз фаслида Apple ўзининг янги iPhone 14 смартфонларини тақдим қилиши кутилмоқда ва миш-мишлардан компания 5 йилдан сўнг ваниҳоят ўз смартфонлари олд тирқиши дизайнини ўзгартираётгани маълум бўлди. Бунда 14 Pro ва Pro Мах моделлари таблетка ва юмалоқ шаклдаги тирқишларга эга бўлади. Лекин бу купертиноликларнинг сўнгги манзили эмас.

Кореялик манбанинг хабар беришича, Samsung Display компанияси ҳозирда OTI Lumionics билан ҳамкорликда янги авлод экран ости технологияси устида ишлашмоқда ва бу технология биринчи бўлиб кейинги йилда чиқарилиши кутилаётган Galaxy Z Fold 5 (тахминий ном) букламафонларида дебют қилади. Айнан шу технологиядан Apple ўзининг 2023 йилда чиқарилиши кутилаётган iPhone 15 (тахминий ном) смартфонларининг Pro моделларида Face ID сенсорларини яширишда фойдаланади ва шунда унинг олд экранида фақат юмалоқ камера тешиги бўлади. Шундай қилиб Apple бир неча йиллардан бери Android смартфонларда қўлланиб келаётган битта тирқишли камералар трендига қўшилади.

Лекин Apple ўз смартфонлари дизайнини жуда эҳтиёткорлик билан ўзгартиришини ва инновацион технологиялардан кечроқ фойдаланишни бошланишини ҳисобга олсак, компания бу технологиядан ҳам фойдаланишни кейингa суриши ҳам мумкин.

ЎҚИНГ: iPhone 14 Pro: бу сафар унинг ўлчамлари ҳақида

Сайтимизнинг энг чиройли расмларини Инстаграмдаги саҳифамизда томоша қилинг!