iPhone 15 ёки iPhone 16?

iPhone 15 ёки iPhone 16?

Apple 5 йилдан буён ўзининг юқори даражадаги смартфонларини олд экранида катта қора тирқишлар билан чиқаради ва бу iPhone 14 га келиб янада кичрайиши аллақачон маълум бўлди. Сўнгги янгиликларга кўра, купертинолик компания ушбу тирқишларни бутунлай йўқотиш устида ишламоқда.

5 апрел куни АҚШ Патент ва товар белгилари идораси олд камераси ва Face ID сенсорлари экран остида жойлашган смартфонни тавсифловчи янги Apple патентини тасдиқлади, лекин бу яширин камерали смартфонни яқин орада кўришимизни англатмайди. iPhone 14 сериясидаги смартфонларнинг Pro версиялари янгича икки кичик тирқиш дизайни, қолган моделлари эса эскича дизайндаги тирқиш билан чиқарилиши олдиндан тасдиқланган.

Миш-мишларга кўра Apple аллақачон iPhone 15 устида ишлашни бошлаб юборган ва ҳозирда компанияда янги смартфон синови учун бир йилдан ортиқ вақт бор. Агар купертиноликлар янги технологияни бу авлод смартфонлари учун ҳам қўлламасалар, унда iPhone 16 катта эҳтимол билан компаниянинг тўлиқ экранли смартфони бўлади. Шундай экан, экран ости сенсорли илк iPhone смартфонлари 2023 ёки 2024 йилларда чиқарилишини кутишимиз мумкин.

ЎҚИНГ: Бу учар кетмон эмас, лекин у сизни учира олади

Хабарларни тез ва осон ўқиш учун Андроид иловамизни сақлаб олинг.