iPhone 7 букиладими? (Видео)

YouTube‘даги JerryRigEverything каналида янги iPhone 7 смартфонининг букилишга қарши тестлари акс этган видео жойланган. Муаллиф iPhone 7 экранини, Home тугмасини, динамик, антенна слотлари ва камера линзаларини учли восита билан қириб кўрган.

Шундан кейин JerryRig шундан кейин экранга ёндиргич тутиб, унинг барқарорлигини синовдан ўтказган. Кўриниб турганидек, телефон экрани юқори ҳароратга яхши бардош қилади. Синовнинг сўнгида муаллиф телефонни букишга ҳаракат қилган.

Видеодан шуни кўриш мумкинки, iPhone 7 кучсиз зарбаларга дош беради, аммо бу унинг буткул зарбаларга чидамлилигини англатмайди. Экран ва Home тугмаси учли материалдан фойдаланилганлиги сабабли тирналган. Камера ва LED чироқни чўнтак пичоғи билан қириб бўлмаган.

Бироқ муаллиф Apple‘нинг iPhone 7 смартфонининг Home тугмаси ва камера линзалари сапфирдан ишланган деган даъвосини шубҳа остига олади. Сабаби сапфир 9 балли қаттиқ жисм босимини қайтариши мумкин. Видеодаги тестда эса 6-даражадаги қаттиқ жисмдан фойдаланилган.

Телефон букилишига келсак, блогер қанча ҳаракат қилмасин iPhone 7‘ни бутунлай букишга ва синдиришга муваффақ бўлмаган. Фақат букиш натижасида экран ва корпус орасига қуйилган елимнинг чиқишини кўрса бўлади. Бу елим қурилмани сув киришидан ҳимоялаш мақсадида қўлланилган.