iPhone 7 тасвир олишда 82 минг долларлик Arri Alexa билан беллашди
Мобил камералар кундан-кунга ривожланиб бормоқда. Баъзи бировларнинг фикрича, ҳозирча уларга профессионал камералар даражасига етишлари учун бор. Бироқ, камерафонни тутган қўллар эгаси моҳирликда режиссёрдан қолишмаса, сматфон камерасининг чинакам имкониятига гувоҳ бўлиш мумкин. Акс ҳолда, жаҳоннинг энг қиммат кино-камераларида ҳам сифатсиз кадрлар олиш ҳақиқат.
Америкалик қизиқувчан видеоблогер бир хил роликни iPhone 7 камерасида ҳамда Голливуднинг кинолари тасвирга олинадиган $82 000 долларлик Arri Alexa кино-камерасида олиб кўрди. Натижалар — кутилмаган.
Блогер эълон қилган видеода iPhone 7 ҳамда Arri Alexa олган тасвирлар ёнма-ён эълон қилинган. Қуйидаги суратларда айфон олган тасвирларнинг аксариятида рангларнинг ёрқинлигига гувоҳ бўлиш мумкин.
Ролик муаллифи камераларда турли шароит ҳамда вазиятда — студияда, ёруғлик паст шароитда тасвирга олди. Профессионал камераларнинг “кушандаси” сифатида эътироф этилаётган смартфонларнинг кучли камералар билан таққосланишининг ўзиёқ мобил технологиянинг юксак тараққий этаётганидан дарак беради.
«iPhone флагмани олган тасвир уй шароитида олинган видеога, Alexa олган тасвир эса – телевизион дастурларнинг сифатига ўхшайди. Бироқ, диққатли томони шундаки, бу фарқларни кўпчилик сезмаслиги мумкин», – дейди видео муаллифи. Унинг фикрича, камера салоҳиятидан тўғри фойдалан олиш — ҳар қандай шароитда ҳам яхши тасвир олишнинг кафолати. Қуйидаги видеолар мисолида бу фикрга гувоҳ бўлинг.
