iPhone 8: Apple’нинг ромсиз флагмани видеода акс этди
Бугунги ахборот-коммуникация технологиялари истиқболи, жумладан тақдим этилиши кутилаётган янги флагманлар хусусидаги миш-мишлар рассомларни ҳам бефарқ қолдираётгани йўқ.
Жумладан, япониялик рассом Саханан Йорагаса “iPhone 8’га илк назар” деб номланган асарини яратишда навбатдаги айфонга оид маълумотларни умумлаштириб, унинг концепт-арт намунасини яратди. Рассом эълон қилган видеода смартфон экранининг майдони кенгайиб, олд панелнинг жозибадорлиги ошган.
Сентябрда тақдим этилиши кутилаётган iPhone 8 нафақат ички аппарат таъминотининг илғорлиги, балки ташқи кўринишининг тамоман ўзгаргани, жумладан экран ёнларидаги деярли сезилмайдиган ром дизайни билан ҳам эътиборли. Унинг 5,5 дюйм, 2K сиғимли дисплейи, 4 ГБ оператив хотира ва сиғими 3500 мА соат бўлган батарея билан таъминланиши кутилмоқда.
Жорий йилда — iPhone бренди ўзининг смартфон бозоридаги 10 йиллик юбилейини нишонлайди. Шу сабабли ҳам Apple’нинг “тўйга тўёна билан” деган нақлга амал қилиб, ўта илғор ва ўзига хос дизайнга эга смартфонни тақдим қилиши айтилмоқда. Жумладан, янги айфон флагманининг шишадор корпус, ўта юпқа ромга эга OLED матрицали дисплей, тугмасиз олд панел, симсиз қувватлаш тизимга эга бўлиши тахмин қилинмоқда.
Видеони томоша қилинг:
