iPhone 9 бугуноқ чиқади – унинг ғилофи аллақачон дўконларга келди! (+«жонли» расм)

  •   DiMaX
  •  3286
  •  31.03.2020 10:28

iPhone 9 бугуноқ чиқади – унинг ғилофи аллақачон дўконларга келди! (+«жонли» расм)

Миллионлаб кишилар кутаётган iPhone SE 2 смартфонини Apple корпорацияси iPhone 9 номи билан чиқариши маълум, лекин унинг тақдимоти бекор қилинган. Шу билан бирга, яна битта нисбатан арзон айфон – унинг Plus-версияси ҳам чиқарилиши ҳақида биз бултур декабрдаёқ ёзгандик.

ЎҚИНГ: Энг харидоргир смартфон энди қимматлайди – унинг ишлаб чиқарилиши тўхтатилди

Интернетда тарқалган хабарларга кўра, Apple ушбу арзон смартфони намойишини бугун – 31 март куниёқ ўтказиши мумкин. Айтиш керакки, унинг «аждод»и – iPhone SE модели ҳам 2016 йилнинг айни шу санасида тақдим этилган.

MacRumors нашри аллақачон iPhone 9 ҳимоя ғилофининг «жонли» расмини эълон қилган. Таҳририятга уни АҚШдаги йирик ритейлер – Best Buy ходими жўнатган. Қадоқда кўрсатилишича, Urban Armor Gear номли ғилоф 2020 йилги 4,7 дюймлик iPhone’га мўлжалланган:

Шунингдек, Best Buy ўз ходимларига ушбу товарни то 5 апрель – якшанба кунигача сотувга қўймаслик кераклигини таъкидлаган. Шунга кўра, iPhone SE 2 бугун расман намойиш қилиниб, якшанба куниёқ савдога чиқарилади.

PhoneArena нашрининг таъкидлашича, Apple аслида 31 март куни бутун бошли тақдимот маросими ўтказишни мўлжаллаган эди. Аммо коронавирус пандемияси туфайли «жонли» намойишни бекор қилишган.

ЎҚИНГ: «Миллионлар орзуси» – iPhone SE 2 (iPhone 9) илк «жонли» расмда!

Terabayt.uz сайтининг видеолари: Youtube'даги каналимизда!