iPhone 9’нинг видеоси чиқди: iPhone 8 ва iPhone X чатишмаси!
Apple корпорациясининг тўққизинчи айфони ҳақида интернетда турли маълумотлар тарқалган. Куни кеча таниқли инсайдер OnLeaks унинг видеосини ҳам эълон қилди.
ЎҚИНГ: iPhone 9 ихчамроқ, қулайроқ ва арзонроқ бўлади!
Тўғрироғи, бу лавҳада iPhone 9 моделидаги смартфон «жонли» тарзда кўрсатилмаган, балки унинг компьютерда яратилган уч ўлчамли модели акс эттирилган. Лекин, OnLeaks фикрича, купертиноликларнинг тўққизинчи авлод смартфони айнан шу кўринишда бўлади.
Гарчи қандай номланиши ҳозирча аниқ бўлмаса-да, кузатувчилар уни iPhone 9 модели деб аташмоқда. Мазкур айфон диагонали 6,1 дюймлик IPS-дисплейга эга бўлади. Ташқи кўринишидан у iPhone 8 ва iPhone X моделларининг чатишмасига ўхшаб кетади.
ЎҚИНГ: iPhone 9’нинг илк суратлари ва видеоси: сканер экраннинг ўзида!
Мана, бирга томоша қиламиз:
Кўплаб «сизиб чиққан» маълумотларга кўра, ушбу модел 3D Touch тизимидан маҳрум бўлади. Унинг роми пўлат эмас, балки алюминийдан ишланиши ҳам айтилмоқда.
Ҳозирда эса купертинолик техногигантнинг бошқа моделлардаги айфонларини Ўзбекистонда ҳам харид қилиш имкони мавжуд.
