iPhone эгаларини жазолай бошлашди: жарима, маошдан кесиш ва ҳатто ишдан бўшатишгача!

  •   DiMaX
  •  1466
  •  26.12.2018 09:53

iPhone эгаларини жазолай бошлашди: жарима, маошдан кесиш ва ҳатто ишдан бўшатишгача!

Жорий йилнинг 1 декабрь куни АҚШ талабига биноан, Канаданинг Ванкувер шаҳрида Huawei молиявий директори Мэн Ваньчжоу ҳибсга олинган эди. Шу боис Хитойдаги йирик компаниялар бунга норозилик ҳамда умуман ватанпарварлик белгиси сифатида Apple маҳсулотларига бойкот эълон қилишмоқда.

ЎҚИНГ: Хитойда iPhone сотилмайдиган бўлди – Qualcomm бунга эришди!

Nikkei Asia Review консалтинг агентлигининг хабар беришича, бир неча Хитой ташкилотлари ўз ходимларига iPhone ишлатишни тақиқлаб қўйишган. Масала ўта жиддий: бу тақиқни бузганларга ҳақиқатан ҳам ҳар хил жазо турлари белгиланмоқда! Компаниялар шу йўл билан маҳаллий ишлаб чиқарувчиларни, хусусан, Huawei’ни қўллаб-қувватлашга ҳам бел боғлашган.

Масалан, Menpad корпорацияси ўз ходимларидан қайси бири Apple смартфонини ишлатаётган бўлса, унга айни ўша айфон нархи миқдорида жарима солишни йўлга қўйган. Shenzhen Yidahend Technology эса тақиқни бузган ишчиларини мукофот пули ва бошқа бонуслардан маҳрум қилмоқда. Баъзи ташкилотларда эса iPhone’идан кечишни истамаган ходимларни ҳаттоки ишдан бўшатишгача чоралар кўрилмоқда!

ЎҚИНГ: Apple’га иккинчи зарба: яна бир мамлакатда iPhone савдоси тақиқланди!

Айтиш керакки, Apple’ни бойкот қилиб, Huawei’ни қўллаб-қувватлаш фақат тақиқлаш ва жазолаш билангина амалга оширилаётгани йўқ. Хитойдаги кўплаб ташкилотлар Huawei ва ZTE маҳсулотларидан олмоқчи бўлган ўз ходимларига ўша қурилма нархининг маълум бир қисмини тўлаб бераётир. Бу борада энг кучли саховатни Shanghai Youluoke Electronic and Technology намоён этди: айфонидан кечган ишчиларига у нақ иккита Huawei смартфонини ўз ҳисобидан олиб беришини эълон қилди! Хитойлик техногигантнинг айрим смартфонлари iPhone XS Max’дан ҳам қиммат туришини ҳисобга олсак, бу жуда фидокорона юриш!

Ишхонангиз пулини тўлаб берадими-йўқми, ҳар ҳолда, бизнинг Terashop.uz интернет-дўконимизда турли смартфонлар онлайн усулда савдога қўйилган. Жумладан, айфонларни у ердан 2 199 000 сўмдан бошланувчи нархларда сотиб олиш, Huawei смартфонларини эса 749 000 сўмдан бошланган нархларда харид қилиш имкони мавжуд.

ЎҚИНГ: 999 000 сўмгача нархли смартфонларни Terashop.uz’дан олинг (2018 йил 18 декабрь) – харидингиз Ўзбекистон бўйлаб бепул етказилади!