iPhone’ингиз борми? Марҳамат – Apple танловида қатнашинг!

  •   DiMaX
  •  1374
  •  24.01.2019 12:36

iPhone’ингиз борми? Марҳамат – Apple танловида қатнашинг!

Apple компанияси айфонда олинган фотосуратлар танловини эълон қилди. Унга юборилган энг яхши расмлар корпорациянинг Apple Store офлайн-дўконлари мавжуд мамлакатлардаги реклама плакатларига жойланади.

ЎҚИНГ: Дунёнинг энг қиммат брендлари эълон қилинди: Apple кучли учликда, лекин етакчи бошқа!

Суратлар танлови 2019 йилнинг 7 февралигача давом этади ва натижалари 26 февралда маълум қилинади. Унда барча мамлакатлардаги, исталган ёшдаги хоҳловчилар қатнашишлари мумкин – чеклов йўқ. Асосий шарти – фоторасм iPhone’да олинган бўлиши шарт. Ҳаттоки эски моделдаги, қадимги прошивкага эга айфонда бўлса ҳам! Нимани суратга олишнинг ҳам аҳамияти йўқ, муҳими – чиройли чиқса бас.

Танловда иштирок этиш учун iPhone’да туширилган расмни Instagram ёки Twitter аккаунти орқали, #ShotOniPhone ҳэштеги билан эълон қилиш кифоя. Улардан энг яхши ўнтасини ўн бир нафар ҳакам саралаб олади, улар орасида Обама президентлиги даврида Оқ уй сураткаши бўлган мутахассис ҳам бор.

Ғолиб деб топилган расмлар, муаллифларининг аккаунтига ҳаволаси кўрсатилган ҳолда, Apple корпорациясининг Twitter ва Instagram-аккаунтларида, apple.com расмий сайтида эълон қилинади ҳамда бутун дунё бўйлаб реклама баннерларига жойланади.

Марҳамат – агарда iPhone’ингиз бўлса ва расмга олишга қизиқсангиз, танловда иштирок этинг ва ғалаба қозонинг!

ЎҚИНГ: Қайта тикланган iPhone’лар ишончлими? Apple собиқ ходими аниқлик киритади

Сайт янгиликларидан доимий хабардор бўлиш учун Телеграм каналимизга қўшилинг!