iPhone’лардаги ишкал сабабли яна Apple’нинг боши эгилди

  •   DiMaX
  •  1436
  •  07.05.2018 10:59

iPhone’лардаги ишкал сабабли яна Apple’нинг боши эгилди

Apple компанияси яқинда ўзининг смартфонлари учун iOS 11.3 операцион тизим талқинини тақдим этган эди. Бироқ ушбу янгиланиш iPhone 7 ҳамда  7 Plus моделларида муаммо келтириб чиқарган.

ЎҚИНГ: «Юбилей айфони»даги хатони ҳам Apple расман тан олди!

Ўз айфонларига ушбу прошивкани ўрнатиб олган кўплаб фойдаланувчилар жиддий нуқсон – микрофоннинг ишламаслигидан шикоят қила бошлашди. Мазкур ишкал сабабли смартфоннинг асосий функцияси – телефонда ўзаро гаплашиш вазифасини амалга ошириш имкони бўлмай қолган.

Натижада Apple мазкур муаммонинг юзага келишида ўзи айбдор эканини тан олди. Купертинолик корпорация томонидан ўз техник сервис марказларига тарқатилган ички ҳужжат бунинг далилидир. Apple бу ҳужжатда сервис марказлари усталарига тайинлашича, улар дастлаб смартфонга Bluetooth интерфейси орқали гарнитура ёки бошқа бирор овоз қурилмаси уланган-уланмаганлигини текшириб кўришлари лозим. Агарда қўнғироқ пайти овоз кучайтиргич (громкоговоритель) тугмачаси блокланган бўлса, диагностика қилиб кўрганда эса «қурилма докни топа олмади» ёки шунга ўхшаш билдиришнома чиқса, ўшандагина сервис маркази айфонни таъмирлаш учун олиб қолиши мумкин.

ЎҚИНГ: Хизмат кўрсатиш марказларида сизни қандай қилиб лақиллатишади?

Айтиш керакки, купертинолик гигантнинг бошқа бир қатор айфонларида, жумладан, iPhone X, iPhone 8 Plus каби энг сўнгги моделларида ҳам турли нуқсонлар аниқланган.

ЎҚИНГ: Apple ноилож ўз айбини тан олди

Terabayt.uz сайтининг видеолари: Youtube'даги каналимизда!