iPhone’ни янгиламай туринг – у «ғишт»га айланиши мумкин!
Баъзида операцион тизим янгиланишлари билан смартфонларда айрим майда нуқсонлар учраб туради. Аммо iOS 12.1.2 тизим талқини миллионлаб iPhone эгаларини алоқадан буткул маҳрум қилиб қўяқолди.
ЎҚИНГ: Xiaomi смартфони ишлатасизми? Янгиламай туринг, жиддий гап бор!
Бу гал бирор ҳудуддаги эмас, балки бутун дунёдаги айфон эгаларидан шикоятлар келиб тушмоқда. Улар маълумот узатиш мобил сервисларининг ишламай қолишидан нолишмоқда.
Айтиш керакки, iOS тизимининг бундан олинги талқини туфайли айрим ҳудудлардаги iPhone XR, iPhone XS ҳамда iPhone XS Max моделларида уяли алоқада носозликлар келиб чиққанди. iOS 12.1.2 версияси эса айнан шуларни бартараф этиш учун тақдим қилинган бўлса-да, у бутун дунё бўйлаб барча моделлардаги айфонларга янги муаммолар олиб келди.
Apple смартфонлари эгалари Твиттерни шикоятлар билан тўлдириб ташлашган. Уларнинг ёзишларича, янгиланган iPhone’лар ўчириб-ёқилганидан сўнг фаоллашмай қолмоқда. Шунингдек, кўп ҳолларда Wi-Fi билан боғлиқ носозликлар ҳам келиб чиқаётир.
Шу боис ўқувчиларимизга тавсиямиз: токи бундан кейинги апдейт чиққунига қадар айфонингизни янгиламай туринг.
ЎҚИНГ: Ҳатто Apple’нинг ўз ходимлари ҳам iPhone эмас, балки Android-смартфон ишлатиши фош бўлди!
