iPhone SE 2 (iPhone 9) тақдим этиладиган ва сотувга чиқадиган аниқ кунларни айтишди!
Apple ихлосмандлари кутаётган iPhone SE 2 смартфонининг iPhone 9 номи билан чиқиши маълум. Яқинда ғилофсоз компания унинг ташқи кўринишини «сотиб» қўйган, биз эса ушбу айфоннинг қойилмақом реклама ролигини эълон қилган эдик.
ЎҚИНГ: Apple расмий сайтида ҳали тақдим этилмаган, кемтиксиз iPhone «қўлга тушди»!
Германиянинг iphone-ticker нашри куни кеча эълон қилган хабарга кўра, Apple ҳамёнбоп iPhone SE 2 смартфонининг расмий намойишини 31 март куни ўтказмоқчи. Журналистлар бу ҳақда купертинолик корпорациянинг режалари билан таниш бўлган манбадан маълумот олишганини таъкидлашмоқда.
Бундан ташқари, тақдимотдан сўнг мухлислар iPhone SE 2 (ёки iPhone 9) смартфонини кўп ҳам узоқ кутишмайди: Apple унинг савдосини 3 апрелданоқ бошлайди. Аввал тарқалган гап-сўзларга қараганда, унинг нархи 400 АҚШ доллари атрофида бўлиши керак.
ЎҚИНГ: Galaxy S20 ва iPhone 9 аллақачон сотувда, совғасига – Galaxy Buds+ ва AirPods!