iPhone SE 2’ни кутяпсизми? Хушхабарни қарши олинг!

2016 йили тақдим этилган iPhone SE ихчам смартфонининг давомчисини миллионлаб Apple ихлосмандлари кутишмоқда. iPhone SE 2 деб номланиши мантиққа мос эса-да, корпорация уни iPhone 9 модели сифатида, яна қимматроқ нархда чиқариши ҳам айтилган.

ЎҚИНГ: 2020 йилда Apple бунчалик кўп моделларда янги iPhone’лар чиқаришини ҳеч ким кутмаганди!

DigiTimes нашрининг ёзишича, iPhone SE давомчиси битта эмас, иккита бўлади. Бу маълумотни унга айфонлар учун бутловчи қисмларни етказиб берувчи Тайвань корхонасидаги манба етказган.

Хулласи калом, iPhone SE 2 (ёки iPhone 9) учун икки хил – диагоналига 5,5 ҳамда 6,1 дюймлик LCD дисплейлар тайёрланиши кўзда тутилган экан. Яъни – кутилаётган айфоннинг мана шундай икки ўлчамдаги вариантларидан бирини олиш имкони бўлади. Бироқ уларнинг сотувга чиқиши бироз кечикиши, аниқроғи – йилнинг сўнгигача сурилиши мумкин.

Айтиш керакки, бу йил Apple ўз тарихидаги энг йирик ҳамда ўта ихчам iPhone’ларни чиқариши маълум, 2021 йилда эса у «металл совун» ва iPhone SE 2 Plus ҳам тақдим этиши кутилмоқда!

ЎҚИНГ: Sony ҳали чиқмаган iPhone SE 2’га рақобатчи смартфон тайёрлаяпти