iPhone SE 3 ҳақидаги илк маълумот кўпчиликнинг ҳафсаласини пир қилди

iPhone SE 3 ҳақидаги илк маълумот кўпчиликнинг ҳафсаласини пир қилди

Шу кунларда интернет саҳифаларида янги iPhone SE смартфони ҳақида маълумотлар тарқалмоқда. Унга кўра, янги модель 5G тармоғи ҳамда янги чипсетга эга бўлади.

Macotakara блогининг хабар беришича, смартфон дизайни iPhone SE (2020) қурилмасиники билан бир хил бўлади, яъни унда 4.7 дюймли LCD дисплейи бўлиб, атрофидаги рамкалар қалинлашади. Шунингдек, дисплей остида уй тугмаси бўлиб, у бир вақтнинг ўзида Touch-ID вазифасини бажаради. 

Учинчи авлод SE смартфони iPhone 13 сериясига ўрнатилган A15 Bionic чипи ҳамда Snapdragon X60 5G модеми билан жиҳозланади. 

Қурилма тахминан 2022 йилнинг баҳорида тақдим этилади. Айрим миш-мишларга кўра, Apple келаси йили mini сериясини ишлаб чиқаришни тўхтатади. Унинг ўрнини эса SE модели эгаллаши кутилмоқда.

ЎҚИНГ: iPhone 13'нинг техник жиҳатлари ҳамда қадоқ таркиби билан танишамиз 

Сайт янгиликларидан доимий хабардор бўлиш учун Телеграм каналимизга қўшилинг!