iPhone таъмирлаш жараёнидаёқ портлаб кетди! (+видео)

Смартфонлар ва бошқа гаджетларнинг энг хавфли қисмларидан бири аккумулятор ҳисобланади. Жумладан, биз Samsung, Xiaomi, Apple ва бошқа ишлаб чиқарувчиларнинг турли девайслари айнан батарея туфайли портлаб, ёниб кетгани ҳақида кўп хабарлар берганмиз.

ЎҚИНГ: 11 яшар қизнинг қўлидаги iPhone ёниб кетди! (+видео)

Reddit сайти фойдаланувчиларидан бири эса бевосита таъмирлаш жараёнида iPhone портлаб кетгани акс этган видеони эълон қилди. Унинг изоҳлашига кўра, смартфонини қувватлашга қўйганида, батареяси шишганлигини кўрган. Шунда уни таъмирлатиш учун ваколатли хизмат кўрсатиш марказига эмас, балки смартфоннинг олдинги эгаси бўлмиш танишига олиб борган. Униси эса гап нимада эканлигини аниқлаш учун айфонни оча бошлаган ва...

Яхшиси, ўзингиз томоша қилинг:

Replacement phone I got exploded in my face the other day. Luckily my work got it on video. from r/Wellthatsucks

Портлаб кетган iPhone модели маълум қилинмаган, лекин барибир бундан тегишли хулосалар чиқариш мумкин. Аввало, аккумулятори шишган девайсни асло ишлатманг – исталган вақтда ёниб кетиши мумкин. Қолаверса, бундай вазиятда гаджетни ўзингиз таъмирлашга уринманг – акс ҳолда шу видеодаги чала устанинг аҳволига тушишингиз ҳеч гапмас.

Ва ниҳоят, қурилмангиз ва унинг аккумулятори меъёрида хизмат қилиши учун, тегишли хавфсизлик қоидаларига амал қилинг.

ЎҚИНГ: Батареяларнинг портлаши: сабаб ва оқибатлари, ҳимояланиш усуллари