iPhone ва Android-смартфонларда энди Google Assistant болаларга эртак айтиб беради!

  •   DiMaX
  •  510
  •  27.04.2019 10:48

iPhone ва Android-смартфонларда энди Google Assistant болаларга эртак айтиб беради!

2017 йили Google Home ақлли колонкасига турли ҳикоялар ўқиб бериш функцияси қўшилган эди. Ниҳоят, бу имконият Android ҳамда iOS операцион тизимларига ҳам етиб келди, аммо ҳамма учун эмас.

ЎҚИНГ: Google ва Google ишчилари ҳақида 23 факт

Google Assistant ақлли ёрдамчиси энди Android ва iOS операцион тизимли гаджетларда уйқу олдидан болаларга эртак айтиб беришни ўрганди. Лекин мазкур опция ҳозирча фақат АҚШ, Буюк Британия, Канада, Австралия ҳудудларидагина амал қилади.

Бунинг учун девайсда Google Play Books иловасининг сўнгги версиясини ўрнатиш керак бўлади. Кейин эса Google Assistant’га: «Hey Google Tell Me A Story», яъни «Ҳой Google, менга бирор ҳикоя айтиб бер», дейиш кифоя – смартфонингиз оммабоп эртаклардан бирини айта бошлайди. Яъни, Google овозли ёрдамчиси мазкур онлайн кутубхонадаги аудиокитоблардан ўқиб беради.

Англаганингиздек, буларнинг барчаси инглизчада бўлади. Google Assistant’нинг қолган ҳудудлардаги болажонларга ва бошқа тилларда эртак ўқиб берадиган бўлиши ҳақида ҳозирча маълумот йўқ.

ЎҚИНГ: Сўзлайдиган китоблар