iPhone ва iPad’ларда жилдлар (папкалар) номини кўринмайдиган қиламиз
ЎҚИНГ: Бу ҳаволани очманг – у барча Apple гаджетларини «қотириб» қўяди!
Лекин iOS тизими жилд номи сифатида пробелнинг ўзини қабул қилмайди – уни тасодифий хатолик, деб тушунади. Бироқ бу ерда ҳим кичкина «ҳийла» ишлатса бўлади: папка номи сифатида оддий пробел эмас, балки Unicode жадвалидан бошқа пробел белгиси қўйиш мумкин.
Бундай «бошқача» – Брайл шрифтидаги пробел (U+2800) белгисини эса мана шу ернинг ўзидан, қуйидаги квадрат қавс орасидан нусхалаб оласиз:
→[⠀]←
Хуллас, iOS тизимида жилд номи сифатида пробелнинг ўзини қўллаш учун қуйидагиларга амал қиласиз:
- Юқоридан – квадрат қавс орасидан кўринмас белгининг фақат ўзини нусхалаб оласиз.
- Жилд номини таҳрирлаш режимига ўтасиз, бунинг учун папка белгисини токи бошқа белгичалар титрай бошлагунича босиб турасиз.
- Жилд номи ёзилган майдонча устига босасиз, кейин ўнг томондаги хоч белгичасини босганча уни ўчириб ташлайсиз.
- Нусхалаб олинган «бошқача» пробел белгисини шу ерга ташлайсиз («Вставить») ва сақлаш учун жилдни ёпасиз.
Тайёр!
Худди шу усул билан барча жилдларга кўринмас ном қўйиб чиқсангиз, айфонингизнинг иш столи минималистик услубда – номсиз, фақат жилдлар белгичаларидан иборат бўлиб қолади. Ҳар бир жилднинг ичида нималар борлигини ўзингиз шундоқ ҳам биласиз, бошқалар эса кўриб ҳайратга тушишлари аниқ!
ЎҚИНГ: iPhone ва iPad қувватини тежашнинг осонгина йўли топилди!