iPhone X Apple’нинг “хит”ига айланмади
Counterpoint агентлигининг хабар беришича, 2018 йил август ойининг охиригача бозарга жами 63 миллион дона iPhone X чиқарилган. Бироқ бу барибир ўтган йилнинг шу даврида сотилган iPhone 6 сонидан оз. Шундай бўлсада, iPhone’нинг мазкур модели савдосидан тушган даромад ёмон бўлмади.
Хабарда айтилишича, смартфонлар бозори тўлиб тошганлигига қарамай, iPhone X Apple’га смартфонларнинг ўртача нархини сезиларли равишда кўтариб олишга ёрдам берган. Ўсаётган маржиналлик унча яхши сотилмаган қурилмалардан кўрган камомадни қоплаб кетди. Натижада iPhone X ишлаб чиқарувчига 10 ой ичида 62 миллиард долларлик фойдани таъминлади ва Apple’нинг нархи триллион долларга чиққан биринчи компания бўлишига ёрдам берди.
ЎҚИНГ:iPhone XS: 2 миллиард йиллик материалдан ясалган корпус
iPhone X кўплаб ривожланган бозорларда икки чораклик давомида қиммат бўлишига қарамай, энг кўп сотилган модель бўлди. Гарчи, тадқиқотлар натижасига кўра, янги гаджет Apple’га янги фойдаланувчилар ортириши учун ёрдам беролмаган бўлса-да, юқори маржа барчасини қоплаб кетди. «Шундай экан, буни омадсизлик дейиш қийин», — деб ёзади экспертлар.
iPhone савдосининг қарийб учдан бири iPhone X модели ҳиссасига тўғри келган. iPhone X’дан кўрилган даромад Samsung’ни қўшмаганда, ўтган 10 ойда қолган бешта илғор смартфон брендларникидан юқори бўлди.
Экспертларнинг башорат қилишларича, мазкур анонсдан кейин арзонроқ ЖК-дисплейли iPhone моделлари Apple’га янада кўп фойда келтира бошлайди, чунки нисбатан арзон ромсиз смартфон янги харидорларни ўзига жалб этиши кутилмоқда.
ЎҚИНГ:"Малика"дан iPhone X ўрнига олиш мумкин бўлган 5 та арзон смартфон