iPhone X’даги Face ID’нинг иккита махфий функцияси аниқланди

  •   DiMaX
  •  1267
  •  22.11.2017 09:50

iPhone X’даги Face ID’нинг иккита махфий функцияси аниқланди

Apple «юбилей айфони»даги асосий инновация Face ID – юз сканери бўлди, десак адашмаймиз. Шу тизим туфайли янги iPhone’дан бармоқ изи сканери ҳам олиб ташланди. Бироқ кеча Face ID’нинг яна иккита яширин функцияси ҳам мавжудлиги маълум бўлди, деб ёзади Hi-Tech Mail.Ru.

ЎҚИНГ: Ўн яшар бола iPhone X ҳимоясини буза олди!

Аслида юз сканери нафақат смартфонни блокдан чиқариш, балки App Store дўконида ҳамда Apple Pay орқали амалга ошириладиган харидларда фойдаланувчининг шахсини тасдиқлаш учун ҳам қўлланади. Лекин Face ID’нинг яна иккита функциясини ҳали куни кеча аниқлашди.

ЎҚИНГ: iPhone X’даги Face ID’ни алдашга қарши ниқоблар сотувга чиқди

Reddit форумида пайдо бўлган мунозарага кўра, Deathbyitaliano никли фойдаланувчи «юбилей айфони»даги функцияни тасодифан пайқаб қолган. Яъни, агарда будильниги чалинган пайти эгаси iPhone X’га кўзларини очиқ тутганича бироз муддат қараб турса, смартфон будильникни ўчирар экан. Яъни, эгасининг нигоҳи айфонга унинг аллақачон уйғониб бўлганини англатади ва у қўнғироқ чалишни тўхтатади.

Лекин бу ҳам ҳали ҳаммаси эмас. Форумдаги dave_let никли фойдаланувчининг ёзишича, кирувчи қўнғироқ келган пайти ҳам эгаси iPhone X экранига тикилиб турса, қўнғироқ товуши пасаяр экан.

ЎҚИНГ: Эгаси уйқудалигида iPhone X'ни блокировкадан чиқарса бўладими?

Terabayt.uz сайтининг видеолари: Youtube'даги каналимизда!