iPhone X ўрнига бу йил iPhone SE 2 тақдим этишмоқчи
Бир неча кун аввал маълум бўлишича, Apple бу йил ўзининг юбилей айфонини ишлаб чиқаришни тўхтатмоқчи. Аммо, iPhone X «инқироз»ига қарамасдан, янада такомиллашган iPhone X Plus моделини ишлаб чиқара бошлайди, дейилган эди хабарларда.
ЎҚИНГ: iPhone X ишлаб чиқариш тўхтатилади. Муҳим сабаб билан!
Apple одатда ўзининг ҳар бир қурилмасини икки йил давомида ишлаб чиқаришдан олиб ташламас эди, фақатгина 2014 йилда iPhone 5C модели бундан мустасно.
Шу билан бирга, таҳлилчи Минг-Чи Куо яқинда прогноз қилишича, купертинолик компания 2018 йилда учта янги айфон тақдим этади. Булар – 6,1 дюймлик LCD-дисплейли, шунингдек, OLED-экранли иккита модел – 5,8 дюймлик iPhone X «авлод»и ҳамда унинг 6,5 дюймлик Plus-версиясидир.
ЎҚИНГ: Бу йил қандай iPhone’лар чиқиши аниқ бўлди
Лекин, сўнгги тарқалган хабарларга кўра, компания энди OLED-дисплейли бундай «кичкина» iPhone тақдим этмоқчи эмас. Digitimes нашрининг маълум қилишича, Apple айни дамда учта эмас, балки нақ тўртта янги смартфон модели устида ишламоқда. Булар – иккита LCD-экранли (диагоналлари 5,7 дан 5,8 дюймгача ва 6,4 дан 6,5 дюймгача бўлиши мумкин) ҳамда иккита OLED-дисплейли (6,0 дан 6,1 дюймгача ва 6,4 дан 6,5 дюймгача) айфонлардир. Шулардан учтаси, худди 2017 йилдагидек комбинацияда: иккита LCD ва битта OLED-экранли қурилмалар бозорга чиқарилади.
ЎҚИНГ: Қойилмақом iPhone XI’ни томоша қиламиз!
Купертинолик гигантнинг бу йилги барча iPhone’ларига симсиз қувватлаш технологиясини ҳамда юзни таниш тизимини татбиқ этмоқчи. Афтидан, улар iPhone X дизайнидаги – ромсиз, «кемтик»ли экранга эга бўлса керак. Иккита LCD-экранли ва битта 6,5 дюймлик OLED-экранли моделлар сентябрда тақдим этилиши режалаштирилган.
Яна айтилишича, бу учта флагман iPhone’дан ташқари, Apple май ёки июнь ойида яна битта – ҳамёнбоп смартфон ҳам тақдим этади. Бу – iPhone SE 2 (ёки iPhone SE 2018) русумли ихчам смартфон бўлади. Тахминларга кўра, у ҳам симсиз қувватлаш технологиясига эга, бу моделда аммо қиёфани таниш тизими қўлланмайди.
