Iphone XI қотили - Mate 30 илк суратларда!
Weibo ижтимоий тармоғида Huawei’га тегишли бўлган навбатдаги смартфоннинг илк суратлари пайдо бўлди. Экспертларнинг фикрича, жосуслар томонидан тарқатилган суратда Mate 30 тасвирланган.
Биринчи қарашдаёқ кўзга ташланадиган ҳолат - айлана кўринишидаги асосий камера блоки бўлган. Аънанадагидек, камера ёнида унинг хусусиятларини акс эттирувчи ёзувлар мавжуд. Бундан кўриш мумкинки, смартфон беш карралик оптик зумга эга бўлади. Асосий камера тўртта датчик ҳамда фоточақноқдан иборат бўлган.
Экспертларнинг яна таъкидлашича, ушбу тўртта модул: 40 МПлик асосий, 8 МПлик телеобъектив, 20 Мплик кенг бурчакли ва ToF-камера датчикларини ўз ичига олади.
Ҳайратланарлиси, ушбу маълумот аввалги рендерлардаги хусусиятларга мос тушади. Янги флагманнинг кузда тақдим қилиниши тахмин қилинган. Смартфонга 12 ядерли видеотезлаштиргич бўлмиш Mali-G77’га эга Kirin 990 процессори ўрнатилиши мумкин.
