Ўтган жума куни Россияда арзон iPhone XR флагманининг сотувига старт берилганди. Душанбага келиб эса, бир нечта компания ўтган дам олиш куни янги қурилманинг савдоси қандай бўлгани ҳақида ҳисоботини эълон қилишди. Натижалар эса кўпчилликни ҳайратга солмоқда.

Масалан, бирлашган «Связной—Евросеть» компаниясининг маълум қилишича, ўтган якшанба куни харидларнинг катта қисми  iPhone XR моделининг қора ранггига тўғри келган. Тармоқдан харид қилганларнинг 37 фоизи  уни сотиб олган. Компаниянинг энг харидоргир қурилмалари рўйхатида иккинчи ўрин қизил рангдаги iPhone XR (24 фоиз), учинчи ўрин эса ушбу моделнинг оқ ранглисига тўғри келмоқда (13 фоиз).

Айниқса, хотира сиғими 128 ГБ бўлган iPhone XR сотилган аппаратларнинг қарийб ярмини ташкил этган,  64 ГБлисига эса харидларнинг 43 фоизи тўғри келган. Қолган 9 фоизи  256 ГБ хотира сиғимига эга қурилмаларни сотиб олишган.  Умуман, тармоқда айтилишича, iPhone’нинг янги моделига талаб сезиларли даражада ортган.

ЎҚИНГ: iPhone XR смартфони учун шаффоф ғилоф яратилди

«Связной—Евросеть», компаниясидан ташқари, АТОЛ компанияси ҳам ўз натижаларини эълон қилди. Уларнинг маълум қилишича, ўтган якшанбада савдода иштирок этган харидорларнинг 34 фоизи айнан iPhone XR қурилмаларни сотиб олган. Бу борада алоҳида эътибор флагман моделлар саналмиш, iPhone XS ва iPhone XS Max’га қаратилгани маълум бўлди. АТОЛ вакилларининг таъкидлашича жами харидорларнинг қарийб чорак қисми қора рангдаги iPhone XR’нинг 128 ГБлисини сотиб олган. Шу билан бирга, харидорларнинг 57 фоизи 128 ГБлисини, 32 фоизи 64 ГБлисини,  11 фоизи 256 ГБлисини маъқул кўришгани аён бўлган.

Кузатувчиларнинг фикрича, iPhone флагманларининг бу каби рекорд кўрсаткичлари бу ҳафтада ҳам кузатилади.

ЎҚИНГ: ЭКСКЛЮЗИВ ВИДЕО: мустаҳкамлигини синаш учун яп-янги iPhone XR’ни тирнаб, ёндириб ва букиб кўришди!