iPhone яна бир одамнинг умрига зомин бўлди
The Independent нашри тарқатган хабарларга қараганда, Британияда яшовчи 53 ёшли Марк Крюгер iPhone 5 смартфони сабаб келиб чиққан ёнғинда ҳалок бўлди. Маълум бўлишича, смартфон унинг ёнида тун бўйи зарядлаш учун суқилган ҳолда қолиб кетган.
Мамлакат ҳуқуқ-тартибот органлари ходимлари ҳам қурилма қувватлаш учун манбага уланган ҳолда қолганини тасдиқлади. The Independent нашрининг ёзишича, Марк Крюгер мия шиши ҳасталигидан дард чеккан, ўз кроватида мунтазам ўтириб, он-лайн ҳаридлар қилишни ёқтирган ва доим смартфонни ўзи билан бирга олиб юрган. Патологоанатомик текширув натижаларига кўра, мархумнинг қонидан ҳеч қандай алкоголь топилмаган. Бироқ кучли оғриқ сабаб морфин моддасини қабул қилиб тургани маълум бўлди.
Ёнғин оқибатида Марк Крюгер танасининг 64% фоизи куйиб кетган, юзнинг куйиши эса биринчи даражада. Кўкрак ва нафас йўлларида тутун қурумлари аниқланган.
Текширув бўйича лаборатория экспертлари ёнғин сабабларини iPhone 5 смартфонининг тун бўйи қувват олиш манбаида қолгани, кутилмаганда қизиб, ёнғин чиққанини таъкидлашди. Қолаверса, қурилма мато остида бўлган ва ҳаво алмашиш жараёни йўқлиги учун кичик қизиш ёнғинга айланиб кетган. Бу пайтда уйқуда бўлган Марк Крюгер тутундан захарланиб, ҳаётдан кўз юмган.
