iPhone яхшими ёки Android-смартфон? (2та видео)

  •   DiMaX
  •  2524
  •  26.04.2018 12:25

iPhone яхшими ёки Android-смартфон? (2та видео)

Асло ечими йўқ савол бу, нима дедингиз? Аммо Apple корпорациясининг фикрича, бунинг жавоби аниқ... Купертинолик гигант шу кунларда эълон қилган иккита видеолавҳада айфонларнинг Android-смартфонлардан устунлиги акс эттирилган.

Apple мазкур реклама роликларида iPhone’га ўтишнинг афзалликларини кўрсатиб берган. Унингча, iOS тизими фойдаланувчилар учун Android’га нисбатан анча қулай. Шунингдек, бу лавҳаларда рақиб томонга нисбатан ҳазил ҳам мавжуд.

ЎҚИНГ: iPhone рекламасида Apple Android тизимини масхаралади [қисқа видео]

App Store намойиш этилган биринчи роликда мазкур иловалар дўконининг Google Play’га нисбатан анча хавфсиз экани кўрсатиб берилади. Аслида ҳам шундай: iOS учун ишланган иловалар App Store’да эълон қилинишидан аввал уларда зиёнкор дастурий код йўқлиги ўта синчиклаб текширилади.

ЎҚИНГ: Apple 20 йил аввал рақиблари устидан қандай кулганди? (3 та видео)

Иккинчи реклама ролиги эса iPhone 8, 8 Plus ва iPhone X камераларининг яққол устунлиги кўрсатиб берилган. Apple фикрича, «Портрет» функцияси ҳатто фотостудия даражасидаги юксак натижага эришиш имконини беради.

Шу тариқа, Apple ҳам, бошқа компаниялар ҳам айрим реклама роликларида ўз рақибларини масхаралаб туришади. Нима ҳам дердик – рақобат, маркетинг...

ЎҚИНГ: Huawei ўз флагмани рекламаси билан Samsung ва Apple’ни масхара қилмоқда

Terabayt.uz сайтининг видеолари: Youtube'даги каналимизда!