iPhone’ни ҳозирча янгиламанг – интернет ва Bluetooth ишламай қолади!
iOS 13 операцион тизими тақдим этилганидан сўнг кўплаб Apple қурилмалари эгалари Wi-Fi билан боғлиқ муаммоларга дуч келишган эди. Энди эса, унинг iOS 13.3 талқини яна ишкал билан чиқди...
ЎҚИНГ: Speedtest синови: Samsung, Apple ва Huawei – қай бирида интернет энг тезкор?
2019 йилнинг 10 декабрида тарқатила бошлаган ушбу апдейтдан сўнг айрим айфонларда мобил интернет ҳамда Bluetooth уланиши ишламай қолган. Баъзи фойдаланувчилар ундан қутулиш учун смартфон созламаларини дастлабки ҳолатигача қайтариб, сўнг захира нусхадан тиклашга мажбур бўлишган.
Бундан ташқари, iOS 13.3 версиясида ҳам FaceTime билан боғлиқ муаммо бартараф этилмаган экан. Шу сабабли iPhone ҳамиша Wi-Fi уланишидан мобил интернетга ва аксинча тартибда ўз-ўзидан алмашаверади.
Шу сабабли, токи Apple бу муаммони бирёқли қилмагунича айфонлар эгалари ўз смартфонларини янгиламай турганлари маъқул. Шунга қарамай барибир янгилашга қарор қилсангиз, жараённи бошлашдан аввал ундаги маълумотларнинг захира нусхасини яратиб, албатта компьютерда сақлаб олинг.
ЎҚИНГ: iPhone’да батарея қувватини ва интернет-трафикни тежашнинг энг осон йўли пайдо бўлди!
