iPod билан хайрлашинг!

iPod билан хайрлашинг!

Apple ўзининг портатив мусиқа плеерлари қаторидаги сўнгги модел бўлган iPod Touch'ни ишлаб чиқаришни тўхтатишини эълон қилди. Сешанба куни эълон қилинган хабарга кўра, компания ҳозирги iPod Touch'ни "таъминот тугашигача" сотишини айтган. Гарчи купертиноликлар махсус мусиқа плеерларини ишлаб чиқаришни якунлаётган бўлса-да, "iPod руҳи" iPhone, iPad ва HomePod Mini каби мусиқа ижро этувчи барча қурилмаларида яшашини айтади.

2001 йил 23 октабрда тақдим этилган оригинал iPod
Муаллиф: Apple
2004 йил 20 февралда тақдим қилинган iPod Mini
Муаллиф: Apple
2006 йил 25 сентябрда тақдим қилинган иккинчи авлод iPod Nano
Муаллиф: Apple
2007 йил 5 сентябрда тақдим қилинган биринчи iPod Touch
Муаллиф: Apple
2012 йил 12 сентябрда тақдим қилинган еттинчи авлод iPod Nano
Муаллиф: Apple
2015 йил 15 июлда тақдим қилинган тўртинчи авлод iPod Shuffle
Муаллиф: Apple
2019 йил 28 майда тақдим этилган, еттинчи авлод iPod Touch
Муаллиф: Apple

Apple биринчи оригинал iPod'ни 20 йил олдин тақдим этган, ўшанда қурилма шунчаки портатив мусиқа плеери вазифасини бажарган эди ва iPod Nano ва Shuffle модел номларидаги бу гаджетлар 2017 йилгача чиқарилган. Бу орада компаниянинг янги тақдим қилинган iPod Touch қурилмаси баъзи iPod ишқибозлари томонидан янги классик мусиқа плеери сифатида қабул қилинди ва шу билан бирга у iPhone'га ўхшаш смартфон хоҳлайдиган, лекин аслида телефонга муҳтож бўлмаганлар учун ҳам идеал гаджет бўлди. Apple кеча ишлаб чиқаришни тўхтатганлигини эълон қилган еттинчи авлод iPod Touch плеери iPhone 11 тақдим қилинган йил, 2019 да тақдим қилинган ва у iPhone 7 билан бир хил А10 процессорига эга эди.

iPod ишлаб чиқаришни тўхтатганлигини учун компанияни айблаш қийин, чунки одамлар ҳозирда ўзларининг смартфонлари мукаммал даражада бажара оладиган иккинчи қурилмани ёнларида олиб юришни хоҳлашмайди.

ЎҚИНГ: Энди Windows 11'ни жисмоний қадоқда сотиб олиш мумкин!