Иш ҳолатидаги Xiaomi Mi 8 «жонли» видеода: бармоқ изи сканери экранда экан!
Xiaomi’нинг навбатдаги флагман смартфони саноқ бўйича Mi 7 эмас, балки битта сон «сакраб ўтилиб», компаниянинг саккиз йиллиги шарафига Mi 8 деб номланаётгани яқиндагина маълум бўлди. Хусусан, янги смартфон қутисининг «жонли» сурати бу масала узил-кесил маълум бўлган.
ЎҚИНГ: Xiaomi Mi 8 қадоғининг «жонли» сурати барча шубҳаларга чек қўйди
Ушбу смартфон хусусиятлари ҳақида кўп маълумотлар чиққан, аммо бир неча соат аввал инсайдерлар тарқатган видеоролик яна кўпчиликни шубҳага солиб қўйди. Гап шундаки, ҳозиргача Xiaomi Mi 8 (аввалги хабар ва мақолаларимизда Mi 7 деб аталган) смартфонининг дактилоскопик датчиги орқа панелда, деб келинар эди. Бугун тарқалган лавҳада акс эттирилган ва Mi 8 эканлиги тахмин қилинаётган смартфонда эса бармоқ изи сенсори дисплейнинг ўзига интеграция қилинган.
Қулай томоша қилиш учун GIF-анимация форматига ўгирилган шу видеолавҳани томоша қилинг:
Икки марта тегиниш ёки босиб туриш орқали экранни блокдан чиқариш функциясини фақатгина AMOLED-матрицаларда жорий этиш мумкин. Айнан шундай матрицали дисплейгагина бармоқ изи сканерини жойлаштириш имкони бўлади. Шундан келиб чиқадиган бўлсак, Xiaomi Mi 8 флагманининг экрани нафақат дактилоскопик модулли, балки органик AMOLED-матрицали ҳам бўлаётир.
Эҳтимол, тақдимотигача ҳали Xiaomi Mi 8 ҳақида яна бошқа кутилмаган маълумотлар ҳам чиқиб қолар. Бу каби сюрпризлардан биринчилар қаторида бохабар бўлиш учун бизни кузатиб боринг.
ЎҚИНГ: РАСМАН: Xiaomi компанияси 3D Face сканерига эга Mi 8 флагманининг тақдимот кунини маълум қилди
