Ишлаётган ҳолдаги Galaxy S10’ни илк бор «жонли» томоша қиламиз!
Samsung компаниясининг Galaxy S10 туркумидаги смартфонлари ҳақида турли маълумотлар тарқалган, аммо унинг учта моделда чиқиши маълум. Шулардан биттаси ҳатто жамоат жойида, фойдаланувчининг қўлида – ишлатилаётган ҳолда «қўлга тушган».
ЎҚИНГ: «Жонли» сурат: Galaxy S10 экранидаги «тирқиш» Galaxy A8s’никидан кичкинароқ экан!
Ушбу смартфонлардан «кичкина»сининг экранида олд камера учун битта «тирқиш», стандарт флагманда битта ёки иккита, «плюсли» версияда эса иккита «тешик» бўлиши айтилмоқда.
Таниқли инсайдер Ice Universe мазкур смартфонлардан бирининг «жонли» суратини ўз Твиттер-аккаунти орқали эълон қилган.
Ice Universe бунинг айнан қайси модел – Galaxy S10 ёки S10 Plus эканлигига ойдинлик киритмаган ва бу расмни қаердан олганлигини ҳам айтмаган. Негадир Твиттерда эълон қилинганидан сўнг икки соат ўтиб, суратни ўчириб ташлаган ва буни ҳам изоҳламаган.
Нима бўлганда ҳам, Galaxy S10 туркумининг тақдимотига бугун роппа-роса бир ой вақт қолди – биз уларнинг сотувга чиқиш кунларию аниқ нархларигача эълон қилганмиз. Ҳозиргача глобал бозорга тақдим этилган айрим Samsung смартфонларини эса Terashop.uz интернет-дўконимиздан 861 000 сўмдан бошланувчи нархларда онлайн усулда сотиб олиш мумкин.
