Ишлаётган ҳолдаги Redmi K30 флагманини «жонли» кўрамиз!

  •   DiMaX
  •  1393
  •  22.11.2019 14:47

Ишлаётган ҳолдаги Redmi K30 флагманини «жонли» кўрамиз!

Weibo ижтимоий тармоғи кенгликларида Xiaomi Redmi K30 смартфонининг «жонли» расмлари тарқалди. Унинг экранидаги ёзувлар қурилманинг асосий техник хусусиятларини ҳам акс эттирган.

ЎҚИНГ: Xiaomi раҳбари Redmi K30 тақдимоти ҳақидаги баҳсларга нуқта қўйди

Ушбу арзон флагман худди Galaxy S10+ (сотиб олиш) сингари қўшалоқ селфи-камера учун овал тирқишли экранга эга. Redmi K30 техник хусусиятларида кўрсатилишича, унда Adreno 618 график тезлатгичи қўлланган, у эса Snapdragon 730/730G чипсетлари жамланмасига киритилган. Мазкур процессор 5G тармоғини қўллаб-қувватламайди, шунга қараганда, расмлар смартфоннинг синов учун чиқарилган намунасидан олинган. Унинг якуний вариантида эса 5G-модемли Snapdragon 735 чипсети қўлланса керак.

Redmi K30 экрани IPS-матрицали, бармоқ изи сканери эса корпуснинг ўнг қиррасида жойланган, дейишмоқда инсайдерлар.

ЎҚИНГ: «Бозорни портлатувчи» 5G-смартфон ва унинг процессори тақдимот куни айтилди

Навбатдаги суратлардан бири Redmi K30 дисплейида 60 герцлик ва 120 герцлик режимдан бирини танлаш имкони берилишини кўрсатмоқда. Иккинчиси эса бу қурилма энг янги – MIUI 11 график қобиғига эга эканлигини тасдиқлаган:

Redmi K30 декабрда тақдим этилиб, бозорга 2020 йилнинг бошида чиқарилади. Xiaomi’нинг хавфли радиация нурларини тарқатмайдиган айрим телефонларини эса 810 000 сўмдан бошланувчи нархлар эвазига Terashop.uz’дан сотиб олиш имкони мавжуд.

ЎҚИНГ: Ўз-ўзидан ёниб кетган оммабоп Redmi смартфонини Xiaomi тузатиб ё алмаштириб бермади!

Сайтимизнинг энг чиройли расмларини Инстаграмдаги саҳифамизда томоша қилинг!