Ишончли инсайдер Galaxy Note 20 Ultra’нинг барча хусусиятларини ошкор этди

  •   DiMaX
  •  1884
  •  19.06.2020 13:52

Ишончли инсайдер Galaxy Note 20 Ultra’нинг барча хусусиятларини ошкор этди

Жанубий кореялик техногигантнинг Samsung Display компанияси яқинда янгича – LTPO технологияси асосида тайёрланган дисплей тақдим этган. Samsung уни илк бор ўзининг Galaxy Note 20 Ultra фаблетида қўлламоқчи.

ЎҚИНГ: Samsung Upgrade дастури: Galaxy смартфонларини энди ҳар йили ярим нархида олиш мумкин! (+видео)

Ice Universe никли тармоқ информатори Samsung гаджетлари борасидаги тўғри чиқувчи прогнозлари билан машҳур эканлигини биласиз. Бугун – 19 июнь куни у Twitter тармоғида Galaxy Note 20 Ultra хусусиятларини батафсил айтди:

Инсайдерга кўра, бу гаджет ҳали расман тақдим этилмаган Snapdragon 865 Plus процессорига асосланган; Snapdragon 865 чипсети 2,84 ГГц.лик такт частотасида ишлайдиган бўлса, унинг «плюсли» версиясида мазкур кўрсаткич 3,01 ГГц.га етади.

Бундан ташқари, Galaxy Note 20 Ultra кадр янгиланиши 120 герцлик бўлган QHD-дисплей билан жиҳозланади. Шунингдек, фаблетнинг бош камерасида аллақандай эксклюзив функция бўлади, S Pen имкониятлари ҳам кенгайтирилади.

ЎҚИНГ: Икки йиллик Samsung смартфонларига ҳам Galaxy S20 имкониятлари қўшилди!

Ice Universe кейинги твитида Galaxy Note 20 Ultra моделининг Galaxy Note 10+ фаблетидан фарқларини эълон қилди. Унга қараганда, янги қурилма ўз «аждод»идан 0,3 миллиметрга юпқа корпусга эга.

Шу билан бирга, янги фаблет дисплейининг рамкалари ҳам бултургисидан кўра кичрайтирилган: икки ёнидаги ромлари 0,29 миллиметрга, юқори ва пастки ҳошиялари эса умумий 0,4 миллиметрга юпқароқ қилинган. Корпуснинг умумий ўлчами ҳам диагоналига 1 миллиметрга ихчамлашган.

Galaxy Note 20 туркумидаги фаблетларини Samsung жорий йилнинг 5 августида тақдим этиши кутилмоқда.

ЎҚИНГ: Samsung смартфонлари ўртача 20 фоизга қимматлашди, лекин бу ҳали ҳолваси!

Terabayt.uz сайтининг видеолари: Youtube'даги каналимизда!