Июл ойининг энг кучли смартфонлари топ ўнталиги

Июл ойининг энг кучли смартфонлари топ ўнталиги

Ўтган июл ойида Хитойлик смартфон ишлаб чиқарувчилари кўплаб янги қурилмаларни тақдим қилдилар. Таъкидлаш керакки, уларнинг кўпчилиги Snapdragon 8+ Gen 1 чипсети билан чиқарилган. Qualcomm компаниясининг энг сўнгги русумдаги ушбу чипсети Android смартфонларга катта куч берди ва улар AnTuTu'нинг июл ойига кўра энг тез ишлайдиган смартфонлар рўйхатида MediaTek чипли смартфонларга деярли ўрин қолдиришмади.

Фото: AnTuTu

Рўйхатдан кўриш мумкинки, Nubia'нинг Red Magic 7S смартфони томонидан энг юқори кўрсаткич билан биринчиликни қўлга киритган. Иккинчи ўринни эса дунёдаги илк 200 Вт тезликда зарядланишни қўллаб-қувватлайдиган iQOO 10 Pro смартфони эгаллаган. Топ учликни Asus брендининг ROG Phone 6 гейминг смартфони ёпиб беради. 

Гарчи номида "Pro" қўшимчасига эга бўлса ҳам, Red Magic 7S Pro ўзининг оддий моделидан кўра бироз паст баҳо билан рўйхатнинг тўртинчи ўринидан жой олган. "Pro" бўлмаган iQOO 10 эса топ бешликка киришга муваффақ бўлган.

Олтинчи, еттинчи ва саккизинчи ўринларни Xiaomi'нинг янги "уч мушкетёри": Xiaomi 12S Pro, Xiaomi 12S Ultra ва Xiaomi 12S кетма-кет банд қилишган.

Рўйхатдаги Snapdragon 8+ Gen 1 чипсетига эга энг сўнгги флагман Realme'нинг GT2 Master Explorer нашридаги смартфони бўлиб, у тўққизинчи ўринда турибди.

Топ ўнталик ичида Xiaomi Mi 12 Pro смартфони MediaTek'нинг Dimensity 9000+ чипсети билан чиқарилган ягона флагман бўлиб, у рўйхатнинг энг охиридан ўрин олган.

ЎҚИНГ: Тақдимотдан аввал OnePlus 10Т'нинг анбоксинг видеоси тарқалди 

Terabayt.uz сайтининг видеолари: Youtube'даги каналимизда!