Жаҳон миқёсида энг кўп сотилаётган 5 смартфон
300 дан ошиқ смартфон ишлаб чиқарувчи тинмай инновация ва янгиликлар татбиқ қилаётган смартфонсозлик саноати тараққий этгани сайин, смартфон бозорида рақобат кучаймоқда. Американинг Strategy Analytics Smartphone Model Tracker (SMT) тадқиқот компанияси халқаро мобил телефонлар бозорини таҳлил 2017 йилнинг I чораги мобайнида энг кўп сотилган смартфон моделларини ўрганди. Қуйида мазкур натижани эълон қиламиз.
Apple iPhone 7
Рейтингда ҳали ҳам Apple’нинг сўнгги флагмани — iPhone 7 етакчилик қилмоқда. Айфоннинг бу модели 2017 йилнинг биринчи чорагида дунё бўйлаб тахминан 21.5 миллион дона етказиб берилган. Apple iPhone 7 бу йилнинг илк чорагида жаҳон бозорида сотилган жами смартфонлар миқдоридаги улуши 6 фоизни ташкил қилади.
Айни пайтда ушбу смартфоннинг 32 гигабайтли энг арзон талқини “Малика” савдо мажмуасида 5.2 миллион сўмдан сотилмоқда.
Apple iPhone 7 Plus
Рейтингда 2-ўрин ҳам яна бир Apple флагмани — iPhone 7 Plus’га насиб қилган. iPhone 7’нинг йирик экранли талқини бўлган смартфондан 2017 йилнинг I чорагида 17.4 миллион дона етказиб берилган. iPhone 7 Plus’нинг жаҳон смартфон бозоридаги улуши бу чоракда 5%ни ташкил қилмоқда.
Айни пайтда ушбу смартфоннинг 32 гигабайтли энг арзон талқини “Малика” савдо мажмуасида 5.9 миллион сўмдан сотилмоқда.
Рейтингда 3-ўрин Хитойнинг Oppo брендига тегишли Oppo R9s’га насиб қилган. Смартфон 2016 йилнинг октябр ойида Хитойда, ундан сўнг Ҳиндистонда тақдим қилинган бўлиб, жаҳоннинг бу иккала энг йирик смартфон бозорида тезда оммалашди. Oppo ушбу смартфонидан 8.9 миллион дона етказиб беришга эришган. Шу тахлит унинг халқаро мобил телефонлар бозоридаги улуши 2.5%ни ташкил қилади.
Халқаро бозорда Oppo R9s смартфони $416 доллардан сотилмоқда.
Samsung Galaxy J3 (2016)
Шундай қилиб, Samsung Galaxy туркумида 2016 йилнинг энг яхши смартфони деб топилган S7 ёки S7 EDGE эмас, Samsung Galaxy J3 (2016) жаҳоннинг энг оммалашган смартфони деб топилган. Тадқиқотда маълум бўлишича, бу моделдан жаҳон бўйлаб 6.1 миллион дона етказиб берилган. Бу смартфон модели бу чоракда сотилган жами смартфонлар миқдорининг 1.7%ини ташкил қилмоқда. Жумладан, Samsung Galaxy J3 (2016) 2016 йилнинг май ойида Ҳиндистонда эълон қилинган бўлиб, бу бозорда муваффақиятли сотилган.
Айни пайтда ушбу смартфоннинг энг арзон талқини “Малика” савдо мажмуасида 1 миллион сўмдан сотилмоқда.
Samsung Galaxy J5 (2016)
Жаҳон миқёсида энг кўп сотилаётган смартфонлар бешлигини Samsung компаниясининг Samsung Galaxy J5 (2016) модели якунлаб берган. Жанубий кореялик ахборот-коммуникация гиганти сўнгги чоракда бу моделдан 5 миллион дона Tетказиб берган. Унинг жаҳон смартфон бозоридаги улуши бу чоракда 1.4%ни ташкил қилмоқда.
Айни пайтда ушбу смартфоннинг энг арзон талқини “Малика” савдо мажмуасида 1,3 миллион сўмдан сотилмоқда.
