Жаҳон мобиль конгресси: HP бизнес вакиллари учун Elite X3 смартфонини тақдим қилди

Hewlett Packard’нинг Elite X3 мобиль алоқа аппарати бизнес вакилларига мўлжалланган бўлиб, Windows 10 операцион тизимида, тўлиқ Continuum функциясининг қўллаб-қувватлаши асосида ишлайди. Бу HP’нинг 2 йиллик меҳнатлари самараси бўлган илк юқори имкониятли смартфондир.

HP Elite X3 5.96 дюймли, 2,560×1,440 пиксель сиғимига эга AMOLED туридаги дисплейли гаджет. У Snapdragon 820 процессорида ишлайди. Унинг қувват манбаи – аккумулятори 4.150 миллиампер соат электр токи сиғимига эга.

Қурилманинг тезкор хотираси 4 ГБ. Шунингдек, унда 64 ГБ қўшимча хотира ҳам бор. HP смартфонининг яна бир ўзига хослиги – унинг microSD қўшимча хотира картаси бўлмачаси маълумот сиғими 2 терабайтгача бўлган қўшимча хотира карталарини қўллаб-қувватлайди.

HP Elite X3 16 МП орқа ва 8 МП олд камераларга эга. Телефон аппаратининг аудио тизими Bang & Olufsen компаниясининг олд овоз узаткичлари билан таъминланган. Гаджет иккита SIM-картани ўқиш лаёқатига эга.

Қурилма кўз қорачиғи сканери, бармоқ излари сканери, сув ва чангдан, 1 метргача баландликдан тушганда уни синишдан асровчи ҳимоя тизимларига, маълумот узатиш ва қувватлаш, бошқа функцияларни бажарувчи универсал USB Type-C портига эга.

Дизайн масаласида HP Elite X3 қурилмаси iPhone 6S Plus’ни эслатади. У алюминий корпусга эга. Корпуснинг орқа томони эса силлиқ пластик хомашёсидан ишланган.

Смартфон ўлчамлари – 6.36 х 3,29 х 0,31 мм. бўлиб, у 195 грамм тош босади.

Аппарат таъминоти ва имкониятлари жиҳатидан бу смартфон иловаларни ўқиш ва қўллаб-қувватлашда ўзининг рақибларига қараганда анча устун. Шуниси билан унинг мобиль қурилмалар бозорида тез оммалашиши кутилмоқда. Яъни, у имконияти ноутбукка тенг ва планшетдан ихчамроқ аппарат сифатида доимо иши тиғиз бўлган бизнес вакилларига қулай имкониятлар яратиб беради. Хусусан, Windows 10 Mobile тизимининг Continuum функцияси смартфондаги иловалардан шахсий компьюетрларда муаммосиз фойдаланилишини таъминлайди. Яъни, телефонни компьютерга улаш орқали иловалардан катта экранда фойдаланиш мумкин.

Бунинг учун уни уни компьютерга улашга хизмат қилувчи НР Desk Dock дисплей порти ҳамда унга каттароқ экран вазифасини ўтайдиган, ноутбукни эслатадиган HP Mobile Extender док-станцияси ҳам намойиш қилинди. Унинг Full HD-дисплейи 12,5 дюймли. У  клавиатураси билан бирга 1 килограммга яқин вазнга эга.