Жаҳоннинг энг яхши сотилаётган смартфонини биласизми?

Жаҳоннинг энг яхши сотилаётган смартфонини биласизми?

Аксарият фойдаланувчиларнинг танқидий гап-сўзларига қарамасдан, iPhone X флагмани ҳозирча жаҳоннинг энг яхши сотилаётган девайси бўлиб турибди. Сўнгги бир ойда олиб борилган тадқиқотлар шундан далолат бериб турибди. Бироқ шу кунларда iPhone X учун бутловчи қисмлар етказиб берувчи компаниялар iPhone X савдоси пастлиги боис уларнинг даромади пасайиб бораётганини хабар беришмоқда.

Хусусан, Samsung шу кунларда Apple энди ундан OLED-дисплейларни сотиб олмаслигини маълум қилган эди. iPhone ҳамда iPad учун процессор ишлаб чиқарувчи TSMC заводи ҳам Apple янги смартфони учун буюртма қилаётган чиплар миқдори камайиб бораётганини айтган эди. Аммо тадқиқот натижалари бу фикрларга зид келмоқда.

Ўқинг: Xiaomi Mi 6X (Mi A2) расман тақдим қилинди

Counterpoint Research маркетинг ва тадқиқот компаниясига кўра, 2018 йилнинг илк чорагида Apple маҳсулотларига талаб кескин ошиб бормоқда. Жаҳоннинг энг яхши сотилаётган смартфонлари рейтингида эса компаниянинг қуйидаги моделлари пешқадам: iPhone X, iPhone 8, iPhone 7, iPhone 8 Plus. Шу билан бирга тадқиқотчиларнинг фикрига кўра, савдо кўрсаткичи ўтган йилги натижалардан юқори.

Бу девайслардан сўнг ҳамёнбоп Xiaomi Redmi 5A жаҳоннинг энг яхши сотилаётган смартфонлари рўйхатига киритилган. Кореянинг Samsung Galaxy S8 флагмани эса кейинги ўринни эгаллаган. Рейтинг билан тўлиқ қуйидаги жадвалда танишиб чиқинг.

Корпорация раҳбари Тим Кукнинг сўзларига кўра, iPhone X компаниянинг савдога чиққач энг тез сотилган телефонига айланган.