Жаҳоннинг энг кучли компьютери Хитойда яратилди
Хитойда яратилган супер компьютер “жаҳоннинг энг кучли электрон қурилмаси” деган номга муносиб кўрилмоқда.
Sunway TaihuLight номли компьютер Миллий суперкомпьютер марказида ўрнатилган. 93 операцион жараённи амалга ошириш тизими билан таъминланган компьютер сониясига 93,000 триллион ҳисоблаш ишларини амалга ошириш салоҳиятига эга. Sunway TaihuLight аввалги – Хитойда яратилган Tianhe-2, жаҳоннинг яна бир кучли компьютеридан 2 маротаба тезкор ва 3 маротаба сермаҳсул компьютердир.
Linux компаниясига қарашли операцион тизимда фаолият кўрсатувчи компьютер 10,5 миллионта ядро тошига, 40,960 та алоқа алмашиш боғламаларига эга.
Мазкур суперкомпьютердан ишлаб чиқаришда, об-ҳаво маълумотларини қайта ишлашда, йирик маълумотларни таҳлил қилишда фойдаланиш мумкин.
500 дан ошиқ жаҳоннинг “энг кучли компьютерлари” ўрин олган рўйхатда Хитой 167 та суперкомпьютерлари билан ҳисобида 165 та шундай ЭҲМ бўлган АҚШдан ўзиб кетди.
Сўнгги 10 йилда Хитойда 28 та кучли компьютер тизими яратилган ва буларнинг барчаси энг олди 30 таликдан жой олган. Суперкомпьютерлаштириш тарихида ҳали бирор мамлакат бу натижани қайд этмаган.
Хитойнинг 2 компьютеридан кейин энг кучли 10 таликни АҚШнинг 2 та компьютери эгаллаб турибди. Шунингдек, Япония, Швейцария, Германия, Саудия Арабистонининг электрон ҳисоблаш машиналари ҳам ўнталикдан жой олган.
“Бундай компьютерларни яратишда энг мураккаб иш кўп сонли компьютер ядроларини назорат қила олиш кўникмасига эга дастурий таъминотни ярата олишдир”, дейди соҳа эксперти Лес Карр.
