Жаҳоннинг энг митти мобил компютери сотувга чиқди

Жаҳоннинг энг митти мобил компютери сотувга чиқди

GPD компанияси таклифи ва ташаббуси билан Indiegogo краудфандинг платформасида жаҳоннинг энг митти ҳамда ультра-ихчам GPD Pocket ноутбуки учун маблағ йиғишни бошлагач, бу жажжи девайс кўпчиликнинг диққатини торди. Лойиҳани амалга ошириш учун тез орада 305 минг доллар, яъни керагидан 1,5 баробар кўп маблағ тўпланди.

Компания бу гаджетни “ноутбук” эмас, UMPC — ултра-мобил компютер деб атамоқда. Intel компанияси ҳам 2006-2008 йилларда худди шундай митти компютерларни ишлаб чиқаришга уриниб кўрган эди.

GPD Pocket 7 дюймли сенсор IPS-дисплей эга. Бу экран 1920×1200 пикселли ҳамда Corning Gorilla Glass 3 ҳимоя шишаси билан қопланган. Унда Intel Atom x7-Z8700 Cherry Trail процессори, 4 ГБ оператив хотира ҳамда 128 ГБ доимий хотира ўрнатилган. Ўлчамлари: 180 х 106 х 18,5 мм, вазни — 480 грамм. Девайс аккумулятори 7000 мА соат, яъни тўлиқ қувват билан GPD Pocket 12 соат мобайнида ишлайди.

Indiegogo платформасида GPD Pocket 399 АҚШ долларидан сотилмоқда. GPD Pocket қурилмаси Windows 10 ёки Ubuntu 16.04 Linux операцион тизимида фаолият кўрсатади. Ноутбукни етказиб бериш 2017 йилнинг июнидан бошланади.

Сайт янгиликларидан доимий хабардор бўлиш учун Телеграм каналимизга қўшилинг!