Жаҳоннинг таниқли смартфон бренди Хитойни тарк этмоқда

Жаҳон оммавий ахборот воситаларида ёзилишича, Жанубий Кореянинг LG Electronics компанияси Хитойнинг смартфон бозорини тарк этиш тадоригини кўрмоқда.

Тайваннинг Daum News ахборот порталининг маълум қилишича, LG’нинг сўнгги G6 флагмани Хитой бозорида сотилмайди. Strategy Analytics тадқиқот муассасасининг статистик маълумотларига кўра, Хитой смартфон бозорида LG  улуши  0,1%ни ташкил қилади. Шу боис бобил телефонлар бизнесидаги инқироз ҳамда Хитойдаги ўрнининг йўқолиб бораётганини пайқаган кореялик ишлаб чиқарувчи  Хитойни тарк этади ва бренднинг бу қарори компания иқтисодиётига у қадар ҳам катта зарар етказмайди.

LG бунинг ўрнига ўзининг флагманлари учун Жанубий Корея, АҚШ, Европа каби мамлакатларда маркетингни ривожлантиришга диққатини қаратади. Мисол учун, 2016 йилда LG’нинг Америка смартфон бозоридаги улуши 15,5%ни ташкил қилган. Яъни, бу АҚШдаги учинчи пешқадам бренд дегани. Шунингдек, LG Марказий ва Жанубий Америка давлатларининг смартфон бозорларида сотилган “ақлли телефон”ларнинг 9,3%ини етказиб берган.