Japan Display виртуал реаллик учун илғор LCD экранларни ишлаб чиқмоқда
Japan Display компанияси виртуал реаллик қурилмалари учун 3,42 дюймли илғор дисплейларни яратиш устида ишламоқда. Экранлар LTPS TFT LCD технологияси асосида тайёрланиб, ҳар дюйм майдонига 651 та пиксель жойланган!
Бундай юқори пикселлар зичлиги виртуал реаллик контентларида кенг тарқалган муаммолардан бири – пикселнинг хиралашиши/тасвирда тўрларнинг пайдо бўлишини бартараф этади. Japan Display келгуси йилда ҳатто пиксель зичлиги (бир дюймда) 800 та бўлган мана шундай дисплейларни яратишни режалаштирган.
Янги экранларнинг кадрни янгилаш частотаси ҳам кучайтирилган (90 Гц), бу эса ўз навбатида тасвирнинг қотиб қолишининг олдини олади. Жавоб вақти ҳам 3 милисониягача камайтирилган. Бундай дисплейлар билан жиҳозланган VR қурилмаларнинг нархига ҳозирча аниқлик киритилмаган.
