«Жонли» Galaxy S10 жамоат жойида «қўлга тушди»!
Жанубий кореялик гигантнинг Galaxy S10 туркуми смартфонлари тақдимоти яқинлашгани сайин улар ҳақида ҳар хил маълумотлар ҳам кўпайиб бораётир. Куни кеча уларнинг ҳатто аниқ нархларигача эълон қилинган эди.
ЎҚИНГ: Учта моделдаги Galaxy S10: суратлари, жиҳатлари, АНИҚ нархлари, тақдимот ва савдога чиқиш кунлари!
Энди эса манбалар жамоат жойида «жонли» тарзда олинган битта суратни эълон қилишган бўлиб, ундаги смартфонни айнан Samsung Galaxy S10 флагмани, дейишмоқда.
Расмдаги қурилма бирмунча узоқдан унча яхши кўринмаяпти, аммо экранининг тепасида жуда юпқа роми борлиги, шунингдек, дисплейнинг юқори ўнг бурчагидаги «тирқиш»и чиндан ҳам инсайдерлар тасвирлаётган Galaxy S10’га жуда ўхшаш. Мана, расмнинг ўша қисмини катталаштириб қараганимизда бу янада яққолроқ намоён бўлади:
Худди шундай якка модулли олд камера Galaxy S10 ҳамда Galaxy S10 Lite моделларида қўлланилиши, Galaxy S10+ версиясида эса селфи-камера қўшалоқ бўлиши айтилмоқда. Уларнинг барчаси MWC 2019 тадбири арафасида намойиш этилади, шу кунгача бозорга чиққан Samsung смартфонларини эса Terashop.uz интернет-дўконимиздан 861 000 сўмдан бошланувчи нархларда онлайн усулда сотиб олиш мумкин.
