«ЖОНЛИ» ВИДЕО: Galaxy S10 экрани «тирқиш»идаги олд камера кўп функцияли LED-чироқ билан ўралган!
Samsung компаниясининг ўнинчи авлод флагманларининг тақдимоти яқинлашгани сайин улар ҳақида тобора кўпроқ маълумотлар чиқиб келаётир. Уларга кўра, Galaxy S10 ҳамда Galaxy S10+ шу пайтгача смартфонсозликда учрамаган янгича технологияларга бой.
ЎҚИНГ: ИЛК БОР: Galaxy S10 Lite ҳамда Galaxy S10+ бенчмаркда «кўринди»!
Жумладан, мазкур флагманларнинг дисплейи «тешиги»га жойланган олд камера айлана ёки овал (камера датчиклари сонига кўра) шаклдаги ёруғлик-диодли чироқ билан ўралган. Ҳа, бевосита экраннинг ўзида ҳалқасимон LED-чироқ ҳам бўлади! Бу ҳақда таниқли инсайдер Ice Univerce ўзининг Twitter-аккаунти орқали хабар берган.
Маълум қилинишича, ушбу камералар махсус эффектга эга: камера ишга тушганида ёки смартфон фойдаланувчининг юзини «таниганида», атрофидаги LED-чироқ ноодатий тарзда ёниб-ўчади.
ЎҚИНГ: «Жонли» Galaxy S10 жамоат жойида «қўлга тушди»!
Мана, Galaxy S10 олд камерасининг ҳалқасимон чироғи чақнашини ўзингиз қуйидаги «жонли» видеода кўришингиз мумкин:
Шунингдек, кейинчалик бошқа инсайдерларнинг айтишларича, Samsung Galaxy S10 флагманларининг олд камераси атрофидаги ҳалқасимон ёруғлик-диодли чироқ ҳам смартфон OLED-экранининг бир қисми бўлади.
ЎҚИНГ: Ишлаётган ҳолдаги Galaxy S10’ни илк бор «жонли» томоша қиламиз!
LED-чироқ функциялари кўп экан: унинг турли чақнашлари орқали бошқа маълумотлар, жумладан – аккумулятор қуввати кам қолганлиги кабилар ҳақида ҳам хабар берилади. Булардан ташқари, ушбу ҳалқасимон чироқ турли воқеалардан фойдаланувчини огоҳ этувчи анъанавий билдиришномалар чироқчасининг ўрнини босади. Хабарга кўра, янги флагманларда камера иловасини ишга тушириш учун олд камера олдида қўлни силкитиш ҳам кифоя бўлади.
Galaxy S10 туркумидаги смартфонларнинг тақдимот ва сотув вақтлари, ҳатто аниқ нархигача эълон қилганмиз. Аллақачон бозорга чиқарилган баъзи Samsung смартфонларини эса Terashop.uz интернет-дўконимиздан 861 000 сўмдан бошланувчи нархларда онлайн усулда харид қилиш мумкин.
