ЖОНЛИ ВИДЕО: MIUI 10 тизимли Redmi 6 Pro’ни тақдимотдан аввал қадоғидан олиб, ишлатиб кўрамиз!
Xiaomi компанияси Redmi 6 Pro русумли ҳамёнбоп смартфонини 25 июнда расман намойиш этмоқчи эканидан хабарингиз бор. Аллақачон унинг техник хусусиятлари ҳамда расмий суратларини ҳам эълон қилганмиз.
ЎҚИНГ: 150 долларлик Redmi 6 Pro смартфонини сифатли расмий суратларда кўрамиз!
Аммо тақдимотни ҳам кутиб ўтирмасдан, ҳозироқ ушбу смартфонни тўлақонли томоша қилиш имкони туғилди. Яъни, аллақачон инсайдерлар Xiaomi Redmi 6 Pro моделини қадоғидан олиб, ишлатиб кўрсатилган видеони интернетга жойлашди.
Келинг, уни бирга кўриб чиқамиз:
Эътибор бергандирсиз – янги смартфон бошиданоқ MIUI 10 прошивкасида ишлаяпти. Ҳозирча Xiaomi’нинг бошқа моделлардаги смартфонларига мазкур талқин тақдим этилмаган, фақат айрим русумлардаги смартфонлар эгалари синов доирасидагина уни ишлатиб кўришлари мумкин.
ЎҚИНГ: Xiaomi смартфонларига ҳали расман юборилмаган глобал MIUI 10 прошивкасини ҳозироқ ўрнатиш мумкин!
Юқоридаги видеороликда ўзингиз ҳам гувоҳ бўлганингиздек, Redmi 6 Pro жамланмасида бирор ғайриоддий ёки кутилмаган нарса йўқ. Қадоқ ичида смартфоннинг ўзидан ташқари microUSB кабели, SIM-карталар ва хотира картаси бўлмачасини очиш игнаси, қувватлаш блоги (афтидан, 5V-2A қувватли) ҳамда оддий силикон ғилоф, шунингдек, фойдаланувчи йўриқномаси бўлади.
Кўрганимиз лавҳада Lake Blue рангли смартфон намойиш этилган, расмий рендерларга қараганда, у яна Flame Red, Black, Rose Gold ва Sand Gold ранглардаги корпусларда чиқарилади.
Дарвоқе, Redmi 6 Pro смартфони билан бирга Xiaomi’нинг яна битта инновацион қурилмаси ҳам тақдим этилади. Бу – Mi Pad 4 русумли, фойдаланувчи қиёфасини тўлақонли сканерловчи биринчи планшетдир.
